吃扒 (已結業)

經過見到呢一間紫色夢幻西餐廳，外觀非常吸睛，出面仲有位俾你打卡，裏面都係以木枱為主，裝修方面都比較復古風，佢嘅菜式唔算多，夠晒精，我哋叫咗兩份主食，只要加⭐️$25⭐️就可以轉套餐配有餐湯，餐包，嘢飲同埋甜品🥘餐湯方面，我哋叫咗一個牛骨湯，一個雜菜湯，呢兩款裏面都好足料，雜菜湯嘅蕃茄味好香濃，唔會好油，另外牛骨湯飲落有油香味🥩西冷牛扒$178 : 西冷扒另外加$18嘅熱熔芝士汁，叫咗七成熟，鐵板上，佢哋嘅熱熔芝士好特別，首先點火燒一燒，之後倒落牛扒面頭，芝士味即刻擁晒出嚟，切開肉質唔錯，咬落幾爽，西冷又煎得唔乾身，唔錯👍🏻🐷20cm吉列豬扒 $158:第一次見到咁大塊既吉列豬扒，佢真係足足有20 cm咁闊，大過一個手掌，佢仲要炸到外皮非常薄，基本上你都搵唔到一個位係有舊炸粉，豬扒嘅肉汁又有，同埋都唔韌，另外配咗薯菜，配咗洋蔥汁，味道唔錯😆😆🍹玫瑰蜜桃+$15: 另外我哋嗌咗杯熱嘅玫瑰蜜桃，佢係茶包嚟，浸耐少少先飲,味道更加香濃😋