無肉食 (My Central) (已結業)

無肉食係香港素食自助餐既始祖，分店越開越多，包括北角、佐敦、旺角、中環同荃灣。當中中環分店一開始更加係所有食物都不含蛋奶，100% vegan。果陣知道真係幾驚喜，終於唔洗睇牌仔上面寫有冇蛋奶，所有想食既野都可以夾入碟。但後來唔知幾時又變返左做有蛋奶供應，都幾失望，同埋覺得有啲可惜。因為疫情關係都好少去食自助餐，叫外賣會好啲。無肉食有固定外賣menu，另外客人都可以比$50喺自助餐到揀自己想食既野。咕嚕菠蘿猴頭菇幾好食，酸甜度適中，個飯超大，建議少飯。加錢可以要多個小食，炸腐皮卷唔會好油，唔錯。自己夾雖然多啲款式揀，但就冇我想食既咕嚕猴頭菇。食物比較家常菜feel，冇乜特別。其實一間本身係vegan既餐廳，賣返蛋奶之後係咪會多左好多生意？真係會有人因為有蛋奶先去幫襯？個邏輯真係唔係好明，不過都係果句，有啲可惜。