影片
更多
2021-02-23
1071 浏览
中環既利源東街同利源西街有唔少小店，佢地都係鋪仔細細，主打外買。當中都有唔少係有素食架，例如係住家餃子專門店、天之樂素食同埋Banh Mi Kitchen。今次要介紹既就係Kale。Kale唔係素食餐廳，但就有好多素食揀。每日五款沙律都係素，啲配搭都幾新穎，另外仲有多款熱食同埋burger仔，估唔到咁細間鋪都可以有咁多vegan options。Burger combo係我最愛，用foodpanda自取仲有折添！Burger有4款口味，連埋蕃薯條同埋羽衣甘藍，都算營養均衡。啲burger有兩款係黑色麵包，兩款係普通包，今次揀左兩款一樣色既包。鷹嘴頭蓉餅本身係少少乾身，有車厘茄同甘藍香草醬平衡返就啱啱好。應嘴頭蓉餅係中東野，會有啲中東香料味，有少少異國風情咁。另一個係紅菜頭漢堡扒配牛油果蓉同生菜，紅菜頭味唔會好勁，仲有淡淡既牛油果香。兩個漢堡都係細細個，但都幾飽肚。加埋蕃薯條同羽衣甘藍夠哂飽。熱食方面我最鐘意豆腐牛油果甘藍糙米飯。糙米飯可以加錢改椰菜花飯，不過我就鐘意糙米個口感多啲，熱辣辣既飯撈埋牛油果一齊食好好味，啲牛油果入口即溶，同啲飯融為一體。另外熱食可以自選一款沙律，我通常都會揀
Burger combo係我最愛，用foodpanda自取仲有折添！Burger有4款口味，連埋蕃薯條同埋羽衣甘藍，都算營養均衡。
啲burger有兩款係黑色麵包，兩款係普通包，今次揀左兩款一樣色既包。鷹嘴頭蓉餅本身係少少乾身，有車厘茄同甘藍香草醬平衡返就啱啱好。應嘴頭蓉餅係中東野，會有啲中東香料味，有少少異國風情咁。
另一個係紅菜頭漢堡扒配牛油果蓉同生菜，紅菜頭味唔會好勁，仲有淡淡既牛油果香。兩個漢堡都係細細個，但都幾飽肚。加埋蕃薯條同羽衣甘藍夠哂飽。
熱食方面我最鐘意豆腐牛油果甘藍糙米飯。糙米飯可以加錢改椰菜花飯，不過我就鐘意糙米個口感多啲，熱辣辣既飯撈埋牛油果一齊食好好味，啲牛油果入口即溶，同啲飯融為一體。另外熱食可以自選一款沙律，我通常都會揀藜麥沙律，除左藜麥仲有啲紅莓乾同南瓜籽，口味幾清新。依個配搭女仔食完應該都會飽到上心口，如果唔想咁飽可以轉叫其他款式既沙律，全部都唔錯架。
张贴
