天 · 悠蔬食 (已結業)

總係覺得食素就係會好悶因為好似會無乜選擇咁，但朋友就力推依間話我會改觀！今日晏就得閒就一於試試佢。一入到鋪頭都嚇一嚇，因為裝修實在太靚！完全冇諗過一間素食舖會裝修得咁靚，好有活力，加埋粉色嘅座位，少女心出哂黎，仲要位置寬敞又舒服。呢度有lunch set揀包飲品，選擇都幾多元化。而且餐牌好清楚寫明食物入面有冇蛋同奶，好周到。揀咗個蒲燒玉子淮山蓉鰻魚飯（$88）配熱檸蜜！一嚟到就聞到好香嘅鰻魚汁味，食落去同普通素肉嘅咁口感味道都係差唔多，但塊肉係有紫菜係底部，一齊食味道都不俗！對於小食素食嘅我都幾新鮮可以接受！另外仲加咗個抹茶紅豆椰汁糕（$15），估唔到抹茶味咁濃，而且唔太甜，都幾正！整體來講呢間素食都幾唔錯，選擇多而且新穎令人覺得食素食其實都可以好多元化。