影片
更多
2020-01-01
213 浏览
想食齋，但又唔想食中國菜，於是搵吓有冇素食西餐，結果响石塘咀一田百貨嘅商場（香港商業中心）搵到Green Tech Café……聖誕新年期間，呢間餐廳仲推出聖誕素食，食品擺設有心思之外，最重要係真材實料。首先係前菜，放了沙律菜同一棵用麵包同素肉砌成嘅聖誕樹，好味之餘，麵包焗得好香又唔會太乾身，一言以蔽之：正。不過，我最喜歡係個湯，我叫咗南瓜、朋友另加一份蘑菇湯，真材實料，質感濃稠。最驚喜嘅係主菜--素漢堡，講真veggie burgers同beef burgers試過唔少，但今次呢塊素肉burger既有咬感，煮得又香，畀真正牛肉仲好味，真係唔講得笑。至於另外叫嘅卡邦尼意粉Carbonara Pasta，廚師抵讚，因為好多餐廳嘅意粉通常係硬身，好似唔熟咁，但呢間嘅意粉香熟又爽，做得好好！而且大大份，絕不欺客。甜品，我哋揀咗芝士蛋糕，餅底原來唔簡單，用果仁做出嚟！以$198蚊一個套餐嚟講，超值！
聖誕新年期間，呢間餐廳仲推出聖誕素食，食品擺設有心思之外，最重要係真材實料。首先係前菜，放了沙律菜同一棵用麵包同素肉砌成嘅聖誕樹，好味之餘，麵包焗得好香又唔會太乾身，一言以蔽之：正。
不過，我最喜歡係個湯，我叫咗南瓜、朋友另加一份蘑菇湯，真材實料，質感濃稠。最驚喜嘅係主菜--素漢堡，講真veggie burgers同beef burgers試過唔少，但今次呢塊素肉burger既有咬感，煮得又香，畀真正牛肉仲好味，真係唔講得笑。至於另外叫嘅卡邦尼意粉Carbonara Pasta，廚師抵讚，因為好多餐廳嘅意粉通常係硬身，好似唔熟咁，但呢間嘅意粉香熟又爽，做得好好！而且大大份，絕不欺客。
甜品，我哋揀咗芝士蛋糕，餅底原來唔簡單，用果仁做出嚟！以$198蚊一個套餐嚟講，超值！
题外话/补充资料：
呢間素食西餐對正皇后大道西，响正地下，樓底高，座位寬敞，佈置新穎明亮，適合一家大細，值得推薦！
(以上食记乃用户个人意见 , 并不代表OpenRice之观点。)
张贴
