Red Mango (已結業)

話說因爲之前我爸爸曾經身體唔好，我又咩都唔可以做，只好決定介牛同初一十五食齋。咁啱撞正我同老公嘅結婚紀念日係初一所以老公就好貼心咁諗到同我去食個素食自助餐。 入座前要先收錢，好特別。個素魚生好得意，點埋個wasabi 食一流！素鰻魚連埋個汁食係同真嘅都幾分似。特別推介個素冬陰公湯，勁香勁好味，雖然望落去個色唔伀人我地平時飲嘅，但呢個好香椰汁味，開頭睇仲以為唔辣，點知又真係幾辣。入面嘅係素丸，好彈牙。呢度仲有自助沙律吧，估唔到有我中意嘅鷹嘴豆，紅菜頭。同埋有一個係醃左嘅牛蒡絲，超好味！佢呢度仲有素肉骨茶，藥材味唔重但都幾清。素麥樂雞又幾正不過乾左少少。呢度仲有即叫即整嘅pancake ，入要有香蕉。仲有乳酪雪糕食。呢度飲品有果汁同熱茶，其實百幾蚊真係好抵，可知係香港食素嘅餐廳話多唔多，所以有一間係咁近對我黎講真係正！