2DP (已結業)

又來到一間我好推介嘅餐廳，之前都食過兩次㗎啦！健康得來又好味，之前推介過佢嘅蜜瓜冰，超好食！今次又來試吓佢嘅主菜！其一我最驚喜嘅係，我最鍾意嘅蒟蒻麵，佢都竟然有，唔係咁多地方有㗎咋！今次叫咗猴頭菇蕃茄蒟蒻麵，呢個真係要超級推介！唔知大家驚唔經常食蒟蒻麵啦，出邊嘅芋絲，總係會有浸腥味，但佢呢個蒟蒻闊麵就冇啦！爽口而且好夠味我自己覺得比食意粉更好食！因為蒟蒻麵好難入味，醬汁一定要做到掛汁，呢度就做到啦！差啲唔夠食！另外朋友叫咗呢個原隻南瓜燴飯，大大兜，食落好smooth，亦都好有南瓜香！絕對係大熱，見到枱枱唔係原隻南瓜都係南瓜燴飯！弓