入到去，環境舒適，有日本風感覺。
一坐式就比左兩張定食紙我地自己剔。
2
我同家母好快就剔好左前菜，但到主食..........剔極都剔唔落手，因為淨睇D名，只係知道係飯、麵、烏冬，咁究竟仲有咩材料，又無圖片，又無寫，真係睇唔出係咩。
咁我只好轉身周圍去睇其他枱既人食緊咩。
個女待應見到，就走埋黎問我揀好未，咁我就逐個佢有咩材料。
家母揀左
前菜:高野豆腐 + 煮南瓜 + 牛油果沙律
主食：青檸冷湯素麵(轉熱湯)
而我就揀左
前菜：高野豆腐 + 汁浸炸年糕 + 牛油果沙律
主食：麵豉湯拉麵
1
先講下前菜：
最好食既係 汁浸炸年糕，外皮雖然浸左汁，但都仲有少少脆，入面既年糕好夠煙韌，個汁味道剛剛好，唔會太喊。
其次係牛油果沙律，D椰菜絲夠爽口，除左牛油果之外，仲加左D凍豆腐，而個芝麻醬亦加左少少花生碎粒粒，所以食落更覺脆口。
高野豆腐唔係平時食到既豆腐質地，加左個汁，味道喊喊地，其實都幾特別。
煮南瓜味道係有少少甜甜地，都唔差
主菜呢，無咩特別，喊左少少，未食完我已經勁飲茶。 拉麵既葱係另外一隻碗分開的，所以唔食葱蒜既我就岩晒啦，影完相就即刻將碟葱放埋一邊。
最後仲有甜品，仲名類似係 綠茶福餅 之類，聽得唔係太清楚。
外面係一層薄薄既綠茶粉，個皮夠彈牙，個饀係cream類物體，滑得黎又唔會太流，甜度適中，好味!
結論：雖然定食係日本既特式，一份份連主食係佢既特色，尤其是食素既地方，好少有呢種形式。
但如果有得比我揀，我令願散叫。
