影片
更多
2023-09-09
213 浏览
近年越嚟越多人開始食素，有時想食清啲，素食都係一個非常健康嘅選擇。最近就有朋友推介咗中環呢間以素食為主嘅多國菜餐廳「Veggie4love」畀我。店舖嘅佈置好有特色，以復古風為主題，成間餐廳都放滿了美式經典懷舊玩具，精品及海報等，配合場內嘅擺設，盡顯美國 vintage 風情。先點兩款脆口小食做前菜，呢款北京烤片 ($78) 非常之有驚喜，唔單止賣相同片皮鴨幾可亂真，甚至連味道亦極為神似。素鴨以豆皮製成，用灑上紅椒粉嘅烤片包住，再佐以青瓜絲同烤醬，食落彈牙有口感，惹味非常。另外呢款炸豆腐串 ($78) 亦係必食之選，一客有三串，外層香口得嚟又夠 crispy，入面超嫩滑，夾埋面頭嘅泰式甜辣醬一齊食，真係冇得輸！主菜點咗越式撈米粉 ($138) 同 素漢堡，米粉配料有炸蝦、炸豆腐、香草、腰果同芽菜等。炸蝦用大豆整成，入面包住滿滿嘅蘿蔔絲，食落香口又唔油膩。豆腐依然保持滑度，入口外脆內軟；米粉爽身彈牙，再配以自家製嘅有機檬汁，微酸醒胃，令人一吃愛上。另外呢款素漢堡 ($158) 亦係餐廳嘅招牌作，漢堡扒大大塊，非常厚身，咬下有肉感又夠 juicy，面頭嘅燒烤醬帶陣陣煙燻味，同漢堡扒好
近年越嚟越多人開始食素，有時想食清啲，素食都係一個非常健康嘅選擇。最近就有朋友推介咗中環呢間以素食為主嘅多國菜餐廳「Veggie4love」畀我。
店舖嘅佈置好有特色，以復古風為主題，成間餐廳都放滿了美式經典懷舊玩具，精品及海報等，配合場內嘅擺設，盡顯美國 vintage 風情。
先點兩款脆口小食做前菜，呢款北京烤片 ($78) 非常之有驚喜，唔單止賣相同片皮鴨幾可亂真，甚至連味道亦極為神似。
素鴨以豆皮製成，用灑上紅椒粉嘅烤片包住，再佐以青瓜絲同烤醬，食落彈牙有口感，惹味非常。
另外呢款炸豆腐串 ($78) 亦係必食之選，一客有三串，外層香口得嚟又夠 crispy，入面超嫩滑，夾埋面頭嘅泰式甜辣醬一齊食，真係冇得輸！
主菜點咗越式撈米粉 ($138) 同 素漢堡，米粉配料有炸蝦、炸豆腐、香草、腰果同芽菜等。炸蝦用大豆整成，入面包住滿滿嘅蘿蔔絲，食落香口又唔油膩。
豆腐依然保持滑度，入口外脆內軟；米粉爽身彈牙，再配以自家製嘅有機檬汁，微酸醒胃，令人一吃愛上。
另外呢款素漢堡 ($158) 亦係餐廳嘅招牌作，漢堡扒大大塊，非常厚身，咬下有肉感又夠 juicy，面頭嘅燒烤醬帶陣陣煙燻味，同漢堡扒好夾，連伴菜嘅薯角都好正，粉綿有薯香，好食。
张贴
