素一 (已結業)

間唔中都想食返餐自助餐，但又怕食得太濟，於是就特登黎試下呢個素食自助餐。健康得黎，又可以食到飽好滿足。

素一最特別嘅賣點就係佢有素食嘅壽司，個賣相真係做得一模一樣，但就係用類似蒟蒻質感嘅物料整成嘅，入口有d彈牙，模擬返新鮮魚生嘅口感。

入面仲有多款醬汁比你自由配搭。

熱食嘅選擇都唔少。個人最推薦素柱候牛腩
口感好似，除左牛味，成個味道都同正品無分別。

炸嘢水準都唔錯

滿滿嘅香甜芋頭🤪

星期六日訂座有每人有一客素鮑魚，而平日則是冰鎮咕嚕肉。