影片
更多
2023-08-02
513 浏览
好耐冇響蘇豪附近食飯，石板街好似有唔少新餐廳進駐，見有間中文意思既樹屋既好似幾特別，我地兩個就咁就入左去試下。哩間係一間素食店。入面雖然係行自助模式，但裝修格局就唔係咁快餐店，切合附近環境風格。點完餐同揀埋飲品後就自搵位座，連水都係自己斟。我地兩個人點左一份海帶拉麵、一份榕樹烤餅、一杯Mekong 飲品同埋一杯薑黃鮮奶咖啡（燕麥奶）。海帶麵睇落係透明既，比粉絲粗少少，食落就帶有微微既海帶味，爽口，冇傳統麵食既飽滯感。其他配料有兩塊烤豆腐、粟米粒、酸青瓜、紫椰菜同埋甘筍絲，加埋酸酸地嘅醬汁同埋麻油，再加埋少少辣椒醬，成碗麵食落都非常之清新，一啲都唔會滯，最啱減肥人士。第二個嘢食係榕樹烤餅。簡單來講就係一個長條型嘅卷餅入面有唔同嘅餡料，包括蕃茄片、炸茄子、烤洋蔥、鷹嘴豆蓉、配合埋安巴醬，成個烤餅充滿印度風味，好好食。值得一提係個烤餅係sourdough。飲品方面，Mekong 係一種西瓜汁加菠蘿汁再加少少薄荷味嘅飲品。菠蘿味都幾突出，我自己就幾鍾意，而且呢個飲品唔太甜，算健康。老婆就要咗薑黃牛奶咖啡，用燕麥奶沖，薑黃味重，而且薑黃有助排毒，唔錯。用燕麥奶沖嘅咖啡相對冇咁漏同滯。人均消費接近
哩間係一間素食店。入面雖然係行自助模式，但裝修格局就唔係咁快餐店，切合附近環境風格。點完餐同揀埋飲品後就自搵位座，連水都係自己斟。
我地兩個人點左一份海帶拉麵、一份榕樹烤餅、一杯Mekong 飲品同埋一杯薑黃鮮奶咖啡（燕麥奶）。
海帶麵睇落係透明既，比粉絲粗少少，食落就帶有微微既海帶味，爽口，冇傳統麵食既飽滯感。其他配料有兩塊烤豆腐、粟米粒、酸青瓜、紫椰菜同埋甘筍絲，加埋酸酸地嘅醬汁同埋麻油，再加埋少少辣椒醬，成碗麵食落都非常之清新，一啲都唔會滯，最啱減肥人士。
第二個嘢食係榕樹烤餅。簡單來講就係一個長條型嘅卷餅入面有唔同嘅餡料，包括蕃茄片、炸茄子、烤洋蔥、鷹嘴豆蓉、配合埋安巴醬，成個烤餅充滿印度風味，好好食。值得一提係個烤餅係sourdough。
飲品方面，Mekong 係一種西瓜汁加菠蘿汁再加少少薄荷味嘅飲品。菠蘿味都幾突出，我自己就幾鍾意，而且呢個飲品唔太甜，算健康。老婆就要咗薑黃牛奶咖啡，用燕麥奶沖，薑黃味重，而且薑黃有助排毒，唔錯。用燕麥奶沖嘅咖啡相對冇咁漏同滯。
人均消費接近$150，以中環嘅消費來講唔算貴。而且食物質素高，服務態度殷勤，工作人員主動幫我攞食物埋位，加分。整體嚟講會推薦俾朋友。
张贴
