天 · 悠蔬食 (已結業)

而家越嚟越多人green monday，或者食飯少肉多菜，所以出街食素都多咗選擇！呢間店裝修好精緻，成日經過都坐滿滿！以前幫襯過尖沙嘴樓上店，覺得坐得幾舒服，今日經過荃灣就覺得再食！我地等咗大概十五分鐘可以入左，見到有好多set dinner既選擇，但因為我地想試多d唔同既菜式就散叫。我最鍾意係個手卷，苜蓿芽唔係度度有得食，配埋牛油果感覺好清新！而個上湯豆苗都唔錯，湯底夠味得嚟配埋百合好清甜，份量亦幾足夠，出街食好少食到咁清既菜式，即刻感覺輕盈咗。呢間素食都幾新穎，坐得舒服，可以再嚟：）