影片
更多
2013-11-28
2403 浏览
睇到呢度的ＰＯＳＴ，加上佢既名氣，仲犀利到連講香港自遊行既書都介紹佢，就約埋女朋友去試食。簡單黎講，湯無湯味，牛肉乾，配料翻炸到濃晒，連餐飲杯檸茶都無茶味，大家樂都有質素過佢。可以肯定，牆上的名星、剪報都已經成為歷史，剪報上個森美已經退休喇……＊＊＊＊＊今晚我地兩個人，食左個＄１３０的牛柳餐，加左個＄６８的鵝肝。跟餐送左個羅宋湯。好似題目話事齋，真係差過大家樂既湯呀。一飲就知只係「雜菜湯」，仲係落唔足料既「雜菜湯」添。最有趣既係，佢用一個好鬼大個既碗，裝左好小既湯出黎，個湯只係得三分一滿。（其實，個碗唔係好大，只係Ｄ湯真係好小。）算數，反正主角唔係佢，又唔使錢，由得佢啦。個鵝肝，其實我覺得ＯＫ既，加上佢既汁，酸酸甜甜既，值得一試。不過，用黎墊底果塊薄薄既炸多士，真係黑到成炭咁樣，我起初都不以為意，因為佢都唔係主角，但個扒黎到果陣，就知道呢個係「而家」既森美餐廳既ＳＴＹＬＥ黎。「而家」既森美係乜野ＳＴＹＬＥ？五成熟的牛柳，一切出黎，無肉汁，連血水都無。Ｄ炸薯，一睇就知係番炸既，而且燶鬼晒。「而家」既森美ＳＴＹＬＥ，就係求求其其，乜野都整定晒，就人叫就返熱出黎，真係仲衰過大家樂。最精彩既係
簡單黎講，湯無湯味，牛肉乾，配料翻炸到濃晒，連餐飲杯檸茶都無茶味，大家樂都有質素過佢。可以肯定，牆上的名星、剪報都已經成為歷史，剪報上個森美已經退休喇……
＊＊＊＊＊
今晚我地兩個人，食左個＄１３０的牛柳餐，加左個＄６８的鵝肝。
跟餐送左個羅宋湯。好似題目話事齋，真係差過大家樂既湯呀。一飲就知只係「雜菜湯」，仲係落唔足料既「雜菜湯」添。最有趣既係，佢用一個好鬼大個既碗，裝左好小既湯出黎，個湯只係得三分一滿。（其實，個碗唔係好大，只係Ｄ湯真係好小。）算數，反正主角唔係佢，又唔使錢，由得佢啦。
個鵝肝，其實我覺得ＯＫ既，加上佢既汁，酸酸甜甜既，值得一試。不過，用黎墊底果塊薄薄既炸多士，真係黑到成炭咁樣，我起初都不以為意，因為佢都唔係主角，但個扒黎到果陣，就知道呢個係「而家」既森美餐廳既ＳＴＹＬＥ黎。
「而家」既森美係乜野ＳＴＹＬＥ？五成熟的牛柳，一切出黎，無肉汁，連血水都無。Ｄ炸薯，一睇就知係番炸既，而且燶鬼晒。「而家」既森美ＳＴＹＬＥ，就係求求其其，乜野都整定晒，就人叫就返熱出黎，真係仲衰過大家樂。
最精彩既係，餐飲果杯檸茶，淡黃色，飲落去仲以檸水添，真係求求其其至到化境……
题外话/补充资料：
裏面仲有一個叫做「扒房」的房，話有唔到餐牌，但係有乜野唔同，無人講（Ｄ侍應無介紹，問佢又唔答，只係話個餐牌唔同，又唔俾個「唔同」既餐牌你睇，對我地呢Ｄ生客黎講，係一個「謎」）。作為一個無知的生客，自己又無訂位，有位咪坐囉。而家諗落，可能我去錯地方食錯野……
(以上食记乃用户个人意见 , 并不代表OpenRice之观点。)
张贴