走肉‧朋友 (已結業)

去咗食放題, 仲要係素菜放題, 認真夠特別一走肉朋友是也, ㄧ聽個名就知道佢想提醒 d 人唔好食肉, 所以叫走肉。餐廳裝修以簡約為主, 食物分類清晰。食物款式數之不盡, 南北美食樣樣齊。有沙律, 各種蔬菜, 蕃茄煮蛋, 節瓜圃, 牛丸, 魚蛋, 生炒菠蘿骨, 口水素雞, 放心, 話明係素食, 當然全部都係素菜嚟嘅, d 魚蛋牛丸夠逼真, 口感單牙, 不得不讚ㄧ讚師傅嘅手藝出色。整體食物嘅味道係 ok 嘅, 亦唔會太鹹及太油膩, 確保食素係較健康嘅。仲有甜品, 認真抵食。