DAMA (已結業)

素食嘅餐廳都係支持嘅對象，今次有素食新意，就係想食佢哋嘅素雪糕，純粹想試下口感，絕唔係嚟朝聖。首先，大家都知佢個雪糕係無落奶，無落奶嘅雪糕其實我係第一次聽，可能自己孤陋寡聞。所以純素者可以一試。拎到雪糕，樣子很好看，雪糕望落好立體，絕對唔係軟雪糕，顏色望落幾火紅，係吸引嘅地方。試第一口，感覺唔係好甜幾清新（我好食得甜），但食食下係覺得有點甜，個種嘅甜唔係來至於火龍果本身嘅甜，個甜係個口入面，一陣又散去。所以同朋友估計得來依種甜應該係代糖。代糖對糖尿病患者嚟講係好事，但聽朋友講代糖其實係致癌，所以都係有好有唔好。不過唔係成日食，應該都唔會有事。總體嚟講，好欣賞佢個雪糕筒，好脆口，有朱古力味。