素食一家 (已結業)

今日難得約一位吃齋嘅好兄弟撐枱腳，在朋友嘅介紹啊去咗呢一間素食店用餐。果然沒有介紹錯，味道很有驚喜，下次有朋友吃齋絕對會再來。坐位是舒服的，被安排坐卡位很適合聊聊天。齋滷味拼盤 ($58): 一份齋滷味拼盤有素叉燒，酸齋，蠔油齋同齋鴨腎，款款都好味，唔洗一陣就清晒😂😂😂最鍾意酸齋，煙煙韌韌ge口感配上酸酸甜甜ge味道，非常滋味👍紅燒野生竹笙素翅 ($42): 食飯時有配野飲就最好啦，但與其飲汽水或者糖份高ge野飲，不如飲碗湯或者素翅！今次就點左碗竹笙素翅，清清地好暖胃，感覺好健康又美味！香煎竹笙腐皮卷 ($88): 是值得稱讚ge一道素菜，有我最喜歡竹笙當然加分！腐皮卷煎很非常香脆，但一d都唔油膩！本來有衝動想encore，不過最後決定留肚試第二d菜式，款款都好吸引😋😋😋蘆筍苗百合炒竹笙 ($98): 蘆筍苗新鮮呈鮮綠色，入口爽脆，竹笙一樣清爽，食材新鮮非常清甜。是滿足的一餐。