王牌冰室 (南豐紗廠)

荃灣紗廠我地一家真係第一次踏足，我放假冇咩地方去，就決定帶兩個細路去荃灣紗廠行下，影吓靚相！行咗一陣，家姐就話肚餓，我地就行咗一圈，行到去王牌冰室，個女就話要食，而老婆就話對王牌冰茶有興趣，咁就食啦！

轉餐加$15

$54

有住兩個細路，就叫啲小朋友至愛啦！粟米班腩飯，加$15轉餐，有埋白飯 + 例湯。家姐細佬都表示好好味，好快就清哂！

中式牛柳

$68

另外，我叫咗我嘅至愛，中式牛柳，好香，啲汁同洋蔥真係好夾，牛柳又好「林」，而且佢地嘅中式牛柳仲有少量菠蘿係入面，阿囡至愛。

冰燉蘋果觀音王

$30

至於王牌冰茶，我地就叫咗冰燉蘋果觀音王，入面有好多蘋果果肉，口感同味道一流。

冰糖檸檬雪梨茶

$24

再叫多咗杯冰糖檸檬雪梨茶，咁熱嘅天氣，似呢杯真係好潤加消暑呀。