南豐紗廠，聽個名都知係紡織業工廠，同食野好似無乜關係?!
但自從南豐集團花左4年時間將佢活化，依家已經變成全新既文創地標
黎到南豐紗廠除左同啲靚靚既建築打卡，睇下藝術館，玩下工作坊之外
除我地黎講，最緊要係有好野食!
1
.
位於3樓既Labels，以黑白為主題，無論裝修定食物攞盤都相當有格調
而且好食得黎，CP值又高!
🔹是日餐湯 $38
蕃茄濃湯，直頭見到打蓉既蕃茄
酸酸地好醒胃，每一啖都覺得好蕃茄
.
🔹是日生果．柑肉‧．藜麥田園沙律配蜂蜜乳酪 $58
超級抵食既沙律，份量多之餘，顏色鮮艷擺盤又靚
選用既配料相當健康
配上蜂蜜乳酪，淡淡酸味加上蜜糖既甜味，新穎得黎又好味
.
🔹大蝦墨汁意粉配香茅牛奶泡沫 $88
好多時墨汁意粉上枱時都唔會太醒目
但呢碟有擺盤之餘，重打左啲牛奶泡沫喺中間，黑白既衝激令賣相提升好多
.
意粉軟硬度控制得非常好，啱啱有少少淋，但又保持一定口感
大蝦無煮至熟透，外面脆，中間嫩嫩地，食落有汁
小蝦仁唔起眼，但非常爽口
重有啲應該係切左條既翠玉瓜
墨魚汁既味道香得黎唔好好濃，屬於微微既咸味
整個意粉好高汁，好食過某啲餐廳賣成過百蚊既
.
🔹麵包布丁配朱古力球 $78
上枱既時候就一個大朱古力波，可以話好玩又好味
食之前有得玩!! 重有兩種玩法
一種係倒熱朱古力溶化佢，一種係直接敲碎佢
影相耐左朱古力唔夠熱溶唔到，店員重會主動幫我地換返熱，好貼心呀
玩味加觀賞價值高
大約似50%唔會苦，亦唔會好甜，脆卜卜幾好食
入面既麵包布丁好濕潤，質地較密，唔會索到成pat發漲麵包咁，中間重有粒冧酒提子
.
🔹Black Mirror
朱古力海綿蛋糕，加上朱古力mousse，朱古力味好濃
食落好好味，但多唔少都算比較甜
不過師傅特登中間加左少少紅苺cream，味道酸酸地好調和個甜度
.
🔹Citron Tart
個酸味好正，我都唔識形容，有點令人慾擺不行
不過自己一個食晒既話會覺得太酸，最好同人分享
.
🔹Summer $38
將士多啤梨雪入冰塊入面，加上梳打同紅石榴糖漿
再加少少紅梅同士多啤梨裝飾
味道係正常既梳打，但外觀就加晒分
