DAMA (已結業)

年三十仲要返學，不過早放學約咗@去蒲。好耐之前已經想試DAMA啲雪糕。佢地標榜純素，覺得自己又健康咗！不過我好膚淺，見到佢靚就狗衝。琴日一日食咗六餐肥死。貓山王榴槤軟雪糕筒 ($68)好好彩可以試到呢個貓山王榴槤雪糕，唔係日日有㗎！佢地啲雪糕唧得勁靚！啖啖嘅超濃榴槤味，口感軟滑細膩。果然唔可以錯過！你地中唔中意食榴槤？兩個迷你軟雪糕筒和飲品 ($64)啲雪糕每日會有四隻味，我地想食曬四隻味(死肥婆)，所以叫呢個套餐就可以試埋藍莓乳酪味及楊枝甘露味。細細個勁得意！$64仲有埋嘢飲好正，我地試咗火龍果海鹽杏仁奶蓋烏龍茶。個奶蓋幾特別，@話有啲似豆腐花。紅肉火龍果雪糕 ($42)加港式純素雞蛋仔 (+$26)紅肉火龍果雪糕好清新，佢嘅味好濃有少少甜。雞蛋仔純素無蛋無奶，但食落同平時食嘅完全冇分別，仲好脆添！除咗杯面嘅新鮮生果，杯底仲有好多果仁，可以撈埋啲雪糕一齊食。鹽烤百頁豆腐 ($38)原來佢地唔係得甜嘢食。不知不覺叫咗好多甜嘢，要食啲鹹嘅緩衝下。呢啲豆腐熱辣辣，差啲熱親條脷。雖然佢外貌普通，外面香口，裏面超滑，食到唔停口！芒果希臘乳酪杯 ($38)呢個係有奶嘅，酸酸甜甜好開胃，呢個都有我