愛家素食 (PORT 33) (已結業)

🍝意式玉醬意粉配紐約扒 $62 呢個肉醬意粉用咗名為「新豬肉」嘅純植物肉碎炮製而成，食落嘅口感同味道都同免治豬肉好似。三色椒一啲青味都冇，但如果有更多蔬菜仲好。.🍔沙嗲玉片漢堡套餐 $58（配餐湯及沙律）沙茶醬味道香濃，仲有好多粗粒花生。但醬料份量太多，唔夠原汁原味，好彩有沙律中和下。.🥗沙律反而好驚喜，連平時好憎食沙律嘅我都讚好。新鮮嘅生菜配上脆麵包粒同埋少量用醋醃過嘅蔬菜，一啲都唔單調。.🥣南瓜濃湯口感同我喺屋企煮嘅純素湯好似，冇落奶好難做到creamy，但都算係好幼滑。簡單用少少香草同埋黑胡椒碎調味已經好足夠。.🍵百香果蜜 $12足料，但對我嚟講略甜。