DAMA (已結業)

雖然我係食肉獸，但間唔中都會食下素清下腸胃。其中一間最常去既素食餐廳就係【DAMA】。【DAMA】主打連蛋奶都無用既純素，而且食物種類好多同好高質！Noodle set/ Wrapset配湯（或飲品）-- 各$88猴頭菇栗子素湯：抗疫湯水，呢款湯可以潤肺健脾，非常清甜夠、而且又無用味精。湯料都非常多，不過美中不足係唔係好夠熱。日式麻醬豆腐捲：外層卷皮好香，裏面分量好足，有好多蔬菜、牛油果同豆腐，非常新鮮爽脆。豆腐食上黎似鷄肉，麻醬酸酸甜甜，非常開胃！麻辣百頁豆腐淮山拌麵：其實蔬菜等食材同wrap好相似，但就少左捲皮、變左超特別既雙色淮山麵。所有食材都相當新鮮爽口！麻辣醬汁非常惹味、有小小辣，好刺激！地瓜條 $38：番薯條非常厚肉同出面賣既好唔同，而且非常香脆。鹽烤百頁豆腐 $38：百頁豆腐非常厚肉，外面加左層椒鹽去調味，簡單得黎又好食。迷你雪糕筒set -- 2個迷你雪糕連飲品一杯 $64火龍果純素雪糕：完全無用乳製品既純素軟雪糕，紅肉火龍果好清新，完全就好似食緊原個火龍果茸一樣！烏龍茶純素雪糕：茶味超級濃，有茶獨有既甘香苦澀味，超級特別！鍾意茶既人絕對要嘗試！火龍果海鹽杏仁奶蓋烏龍茶