上海婆婆336 (iSQUARE國際廣場)

营业中

休息中

睇完雜誌推介呢度嘅大籠包，順路行過，即管試吓。附上飲管一支用嚟吸啜湯汁。湯汁味道清淡，冇味精感覺。皮略厚，肉冇乜鮮味。味道辣多過酸，本來仲算合格，之但係有如同店之前嘅食評所言，芡汁太重手，「杰」到漿住匙羹，而且，料亦太少。呢個最正常，足料，有小棠菜、豆皮、鹹肉、筍，正常好味不過不失。放咗好多辣椒，竟然啲雞係唔辣嘅。於是我食件辣椒，又出奇地辣到標眼水。咁好明顯，啲雞泡唔夠辣油，唔夠辣。嗱咁咪精彩囉，食得辣嘅咪食辣椒囉，唔食得嘅咪淨係食雞囉。畀錢食嘢就梗係有單啦。仲有紙巾添。