銀龍粉麵茶餐廳

营业中

休息中

近排報左個手語課程當係興趣消磨吓時間，見今晚第一日上堂就俾個ＦＤ叫早啲過黎了解吓環境。點知早到得濟連導師未到，就趁有時間係附近揾食醫肚。但點知都無咩好揀，就揀左呢間連鎖茶餐廳醫肚了。因為近日真真係熱到喊所以點左個泡飯消下暑。陳皮鴨湯飯成隻脾咁上，但唔知點解搭左條鴨頸？但個味道又幾唔錯，湯底清清地唔會好油膩。不過陳皮味就無乜主要係鴨肉個味托起成個飯嘅味道。鴨脾肉煮到好鬆軟，用筷子一夾就散開。同埋雖然係鴨肉，但唔會好羶。跟餐係熱利賓納，比平時飲開便利店嘅淡味一點。但咁反而好因為唔會太甜，樽裝嘅飲完仲口渴。朋友本身食素嘅關係，點左個茄醬蘑菇意粉。佢就話麻麻地，唔值$50蚊個價。反而係奶茶就幾好飲嘅，夠滑同埋香。加一匙更糖就啱啱好。食完都覺整體都係偏貴的，都係屋企樓下間街坊茶餐廳好味啲。