大快活 (已結業)

放假黎左行下宜家家俬，睇唔啱就諗住走人，行到去出口見到大快活，又咁啱bb夠鐘食奶，大快活唔使等位，又闊又無人，擺住張枱都唔怕比人話。叫左個下午茶餐，順便開奶，但啲清潔姐姐係咁講話出面有育嬰室，我知，但我真係唔想係廁所餵奶囉，而且全間大快活得四枱客，有幾十張吉枱，又唔係阻住做生意，唔明點解唔可以餵奶。講返個下午茶，叫左西多加雞翼，其實味道唔錯，蜜糖雞翼又甜又香口，仲有少少香草味，西多亦炸得鬆軟，落練奶一流。可惜係一早整定，全凍無半點微温，凍左嘅野真係好難好食。熱奶茶，好彩呢個熱，好香又滑，好飲。最後無理啲清潔姐姐繼續餵奶，其實bb食支奶都係十分鐘左右，唔好咁緊張啦…