紅螞蟻 (已結業)

因為去完迪士尼，近近地就去南昌食個dinner，實在太肚餓嘅關係，所以都冇乜影相，因為原本冇諗過咁好食。呢張係食到一半嘅時候就影嘅，超好食，如果你係鍾意食羊肉嘅話一定要試吓。我哋兩個人嗌左個二人dinner set，嘢食超級豐富，埋單每人都係百零蚊，有一個湯再加個餐包，仲有一碟前菜，前菜係有薯條韓式炸雞等等，成個小食拼盤咁，然後再有一大碟意粉，再加一塊牛扒。扒來講呢，質素就一般嘅，舊肉有啲韌，好難咬，啲薯蓉就幾唔錯，另外個小食拼盤，韓式炸雞凍咗囉，但整體來講都還好嘅。個忌廉湯超好味，再配埋個麵包，簡直一流，個麵包係熱辣辣好鬆軟，但實在太飽，忍痛放低半個包，繼續食個意粉。意粉係我最鍾意嘅天使麵，再加羊肉，佢唔係嗰種淨係放塊羊架喺面上邊，佢係有啲羊肉片撈埋個面再加啲忌廉呀芝士類似嘅物體再炒出來，如果鍾意creamy加芝士再加羊so味嘅你，一定要試。呢一碟係真係食到停唔到口，但都真係食到好飽，佢意粉真係好出色。