紅蔥頭

今日去開深水埗個頭，就順便係呢間紅蔥頭食個午餐先走。

1

餐牌有廚之推介，特餐，品味新嚐。今日一支公，求其叫左個漢堡包餐。

烤美國安格斯漢堡伴炸薯條

$79

烤美國安格斯漢堡伴炸薯條 $79 

烤美國安格斯漢堡

$79

烤美國安格斯漢堡伴炸薯條用塊木板上枱。烤美國安格斯漢堡用竹籤固定，上下兩塊麵包都滿佈白芝麻粒，雖然唔脆，不過好香同鬆軟。中間安格斯漢保扒好厚身，煎得全熟不過夠腍又唔乾，就咁食就油膩少少，所以有番茄片同生菜加少少沙律醬就可以平衡返。

烤美國安格斯漢堡

$79

炸薯條係粗身，足有20幾條，我叫左走鹽，食落啖啖澱粉質。另上茄汁比你點。

炸薯條

加$6可以加配歐陸式濃湯+牛油法包。歐陸式濃湯係羅宋湯，有好多菜，包括梛菜，紅蘿蔔，紅辣椒，洋蔥，牛肉粒。個湯都辣辣地，好開胃！塊牛油法包香脆，上面加左蒜蓉醬，味道幾好呀。

歐陸式濃湯+牛油法包

$6

鮮橙汁 加$3

鮮橙汁

$3

個餐包咖啡或茶，或加$3有凍飲，汽水或鮮橙汁。我叫左鮮橙汁，真係有粒粒橙肉，味道又唔會假。
整體而言，食物有細個學生餐既感覺，食完真係非常之飽。