HeySoNuts

营业中

休息中

每次經過呢間餐廳都好想幫襯，呢間餐廳俾人嘅感覺係一間休閑嘅咖啡室，但係估唔到裏面除咗有佢哋最出名嘅窩夫外，還有另外一啲嘅選擇。今天下午來到這間餐廳食午飯，我見到隔離枱有人叫紅色嘅飯我覺得好特別，於是我都叫咗一個，呢個紅色嘅飯係紅菜頭汁造成嘅，我覺得好有心思而且又好健康，一上枱呢啲飯已經好吸引呀，尤其是紅色嘅飯，已經刺激左我嘅食慾啦，紅菜頭飯配上三文魚，感覺更加健康而且又不肥，紅菜頭汁煮成嘅意大利飯帶著少少草腥味，食落唔係好覺，而且佢上邊有一小撮嘅青草菜作為點綴，更加唔覺有任何嘅草腥味。另外我哋叫咗一個海鮮意大利粉，上面嘅配料10分新鮮尤其是係魷魚，佢仲有蝦、魚同埋青口，樣樣都好新鮮，意大利粉又煮得啱啱好，有咬口。總括嚟講呢間嘅餐廳食物唔算太貴，而且好別致，唔多人幫襯，所以可以慢慢地享用整個下午嘅時間，仲有唔記得影係杯咖啡，喺杯咖啡真係超好味道！