麻辣風雲 (已結業)

我初頭只係比朋友介紹黎飯佢哋嘅水煮牛肉，點不知我發現佢嘅紅糖糍粑一樣出色！除此之外我認為佢哋呢間餐廳座位都好寬躺好適合帶埋屋企人或者一班朋友上嚟食。水煮牛肩肉真係聞名不如見面原來真係咁好食，因為肉質非常之有咬口，厚薄適中。唔會話好硬。而且亦都非常入味。仲有唔同嘅配料喺湯底入邊分別有豆卜同埋寬粉係最為入味。仲有酸菜炒肥腸，佢個肥腸處理得好好，非常美味。最後一定要食佢哋嘅紅糖糍粑，我見佢即叫即做非常新鮮滾熱辣送上枱，口感煙煙韌韌好似麻薯，外面仲可以沾上黃豆粉同埋紅糖漿非常好味。