Seafood Stand (已結業)

紅磡出名食熱狗，不過今晚就選擇再行前少少食漢堡。漢堡包永遠都係大人細路都啱食，平有平食，貴有貴食。Seafood Stand就做到以實惠價錢，食到高質漢堡，唔洗吓吓都要俾過百蚊食個漢堡包嘅。鐘意海鮮嘅朋友，蝦兵蟹將($78)走唔甩。一個炸軟殼蟹放入漢堡，脆卜卜，好邪惡呀！三隻大蝦都好爽，夾埋生菜蕃茄，好fresh。亮點係個蜜糖芥末醬，減低左個肥膩感。傳統漢堡又點少得牛肉漢堡呢。熱門之選牛魔王($58)材料簡單，但幾滋味。牛肉好大厚身，但就同之前食客所講，有少少乾。驚喜嘅係無用茄醬，用返蜜糖芥末醬，又夾到喎，仲幾清新添！叫左份薯格($28)，份量都幾多，幾欣賞哩到個茄汁係自製加入左香草，幾香。最後點少得啤酒，本港手工鬼佬啤($48)，易入口。以前想食有質素嘅漢堡都要去尖咀或者過海，依家紅磡哩個舊區都有高質漢堡lu。仲有好多款都想試，值得再嚟。