威風百麵 (已結業)

紅磡真係越開越多新餐廳🥰 作為地膽既我緊係要試曬佢啦！呢間位置係喺舊新川米線嗰度，雖然座位唔多，但都幾闊落，唔會話好迫😌車仔麵（四餸 $54）小編揀左闊條紅薯粉做麵底($18)，薯粉滑捋捋好難夾🤣口感都幾煙韌😋湯頭加左沙嗲汁，入口更加香甜🥳 小編揀左嘅配料有瑞士雞翼、紅燒豬腩肉、墨魚丸同埋一口台灣腸😋 特別要讚瑞士雞翼同埋紅燒豬腩肉，炆得好入味🥰好有家的感覺！不過豬腩肉偏肥，未必個個啱🙈威風百寶便當（$58）呢個便當真係好豐富🍱 前菜有涼拌木耳青瓜，曬開胃🥳 啲餸有紅燒豬腩肉、豬大腸、瑞士雞翼同埋金錢肚，最後緊係唔少得主角—台式肉燥飯，仲有隻溏心蛋喺隔離添🤩小編唔食內臟，朋友話豬大腸洗得夠乾淨，滷得相當入味😋金錢肚都好出色，而且唔會過韌👍🏽椒鹽花枝丸（$25）椒鹽味十足，外皮炸過黎，食落幾香口，四粒真係唔夠喉☺️🤪最令我驚喜既係，店員最後向我地送上甜品😍全部都係自家製，為呢餐畫上完美嘅句號😋甜品包裝仲好靚添！💛-威風百麵 (紅磡)📍紅磡必嘉街93號地舖抵食指數： 😚😚😚😚😚😚😚😚/10舔舔脷指數：😚😚😚😚😚😚😚/10