貴緣小鍋米線 (崇潔街) (已結業)

要我山長水遠嚟到紅磡不外乎一個原因，就係覓食啦🤣 呢間「貴緣小鍋米線」係米線關注組都推介，話湯底出色，必試招牌秘製腩肉咁話喎～ Menu有5款湯底揀，分別有招牌酸辣湯、秘製麻辣湯、豬骨鮮濃湯、特濃新鮮蕃茄湯、青花椒麻濃湯🍲  除咗豬骨鮮濃湯無得揀辣度外，其他湯底都可以揀辣度🌶  配料選擇都唔少，另外仲可以叫啲小食，小食價錢都係$24-$31💰我今次就叫咗外賣，佢哋只限自取，不設外送㗎🥡❤️ 豬骨鮮濃湯小窩米線 + 雞翼 + 秘製腩肉 + 蘿蔔 + 豆卜 $65豬骨鮮濃湯唔會過於油膩，飲完唔口乾！雞翼脹卜卜，齋睇個雞皮個色水已經知道滷得入味，食落肉質依然嫩滑！蘿蔔大大件，清甜無渣，夠腍！豆卜本身已經浸喺湯入面，索哂啲湯汁，一咬爆哂汁超正☺️❤️ 特濃新鮮蕃茄湯小窩米線 + 秘製腩肉 + 雞肉絲 + 菜心 $62蕃茄湯有驚喜，酸甜味濃，混入切件鮮蕃茄，味道帶有少少辣，幾有層次好惹味😛 飲哂啲湯都仲得🤣雞肉絲分量好多😳 撕得好幼細，唔會太乾太嚡，浸落湯大啖大啖食，好爽！秘製腩肉唔太肥，夠入味😗菜心都算嫩口，分量亦唔少👀❤️ 蒜泥白肉肉 $27切得薄身，舖滿蒜泥，食落相當之濃味，唔會過鹹，夠重蒜味又唔