紅磡冰室 (已結業)

是日午餐係紅磡冰室常餐叉燒意 炒蛋 蒜蓉多 熱檸水($38)叉燒本身配通粉，不過我唔食通粉，所以轉左做意粉。意粉口感唔太淋唔太硬，個湯唔似味精湯，但味道只係一般。叉燒就淋身又幾好食。炒蛋呢，可能因為我外賣啦。食果陣已經凍凍地，不過浸番落啲湯度暖暖地食都ok嘅。炒蛋都好夠滑。成個常餐最好食就係呢個蒜蓉多士！平時出面常餐通常都係牛油多士，仲要啲牛油勁少勁乾，但紅磡冰室就唔同啦。多士上有滿滿嘅牛油同蒜蓉，勁香！多士都係偏厚身，咬落軟淋淋。絕對係成個常餐嘅重頭戲！好味！