茶木‧台式休閒餐廳 (已搬遷) 新店位置

同fd去TST食lunch,唔知食咩好,不如去成日都人山人海的茶木博下多唔多人,點知一去到唔洗等就有位了,限時1.5小時。設計上以簡單自然為主,擺放了不少植物,有種清新的感覺,入面的枱椅比較密集,只可以說是善用空間呀。本身想食出名的吐司,但因為未食正餐又好飽,於是只揀了牛肉麵。熱情果花茶,$37,用透明玻璃茶壺泡的水果茶,色彩繽紛,透明底座點著蠟燭作保溫之用。入面好多水果,有青檸、檸檬及草莓等。好香熱情果,甜甜地,不俗。紅燒牛肉麵,$58,好大碗牛肉麵呀。湯底濃味,粗身的闊麵都幾煙靭,有三件牛肉,是牛腩來的,好大件,口感鬆化爽軟,牛肉味濃,好味呀有三舊蘿蔔甜甜地不俗。食得好飽,味道的確有水準,下次要試個甜品了。