韓朝盛韓國料理 (已結業)

紅棗茶極其濃郁，薯仔排骨湯味道正宗～～～話說政府宣佈0+3之後，本來諗住去韓國，點知收工睇機票，機票已經爆升！買唔到機票心情低落，係朋友嘅介紹下，就嚟咗旺角嘅呢間韓式餐廳食飯散心。～～～食韓國嘢，最掛住嘅梗係韓式前菜，香脆魚仔、帶有麻油香氣嘅菠菜同埋爽脆芽菜、仲有辣度剛好嘅下飯泡菜～～～平時食得烤肉多，是日突然想食海鮮，好彩呢間餐廳可以揀選海鮮拼盤，海鮮拼盤有多款式，而且中間仲有少少肉俾你過下肉癮，都幾體貼。海蝦大大隻、魚塊份量好多、青口又幾爽口有少少海水味，加埋鮮甜帶子，質素係唔錯。～～～海鮮拼盤高質，但我最愛都係薯仔排骨湯。熱辣辣嘅排骨湯裏面有大量嘅薯仔同埋蔬菜，排骨燉得軟淋，輕輕一夾就輕易離骨，獨特嘅韓式湯底風味，味道調配到位正宗。～～～食完海鮮同埋薯仔排骨湯之後，最後就係佢哋嘅甜品，紅棗茶極其濃郁，味道非常真材實料，值得一試。～～～優惠tips:餐廳做緊九月新開張大優惠，有88折（唔計+1），抵玩。～～～韓朝盛韓國料理 (旺角)旺角彌敦道593-601號創興廣場1樓