影片
更多
2023-11-28
48 浏览
行經過土瓜灣就發現呢一間中東餐廳到平日夜晚都幾多人排隊，然後有留意到餐廳外面有一部電視，原來係訪問緊來自約旦嘅餐廳主廚，從訪問內容已經感受到佢對香港同廚藝嘅熱愛，所以都急不及待要試吓咁有特色嘅中東菜。我同朋友叫咗兩個餐前小食，第一個係Baba Ghanooj 烤茄子蓉加Pita Bread (阿拉伯口袋麵包)，顧名思義，我哋估個食法應該打開個包，再放啲茄子蓉落去。個茄子蓉有一啲香草、紅椒粒、橄欖油，仲有好清新的石榴粒添，所以整體的味道都好香好夾。另一個係Hallumi Cheese 鐵板煎著名中東鹹香芝士。呢種芝士的口感煙煙韌韌，好得意。醬汁食得出係用新鮮蕃茄整出嚟的，再用熱辣辣的鐵板上，整體味道都好唔錯。而主菜方面，我哋叫咗澳洲天然草飼羊肉粒串，呢道菜的上菜方式已經好打卡able，係用咗一個炭爐咁上的，羊肉粒串粒粒都好大粒，但食落一啲都唔韌，好軟稔，羊肉味都好出，再點埋tarator sauce 中東白芝麻醬，味道的層次又再提升。另外仲有烤到好香的薯仔粒、中東包同蔬菜串，真係好飽。最後，我哋叫咗呢間餐廳的signature 甜品Kanafeh 經典中東甜品外層鬆脆酥皮碎內裡包著甜芝士
我同朋友叫咗兩個餐前小食，第一個係
Baba Ghanooj 烤茄子蓉加Pita Bread (阿拉伯口袋麵包)，顧名思義，我哋估個食法應該打開個包，再放啲茄子蓉落去。個茄子蓉有一啲香草、紅椒粒、橄欖油，仲有好清新的石榴粒添，所以整體的味道都好香好夾。
另一個係Hallumi Cheese 鐵板煎著名中東鹹香芝士。呢種芝士的口感煙煙韌韌，好得意。醬汁食得出係用新鮮蕃茄整出嚟的，再用熱辣辣的鐵板上，整體味道都好唔錯。
而主菜方面，我哋叫咗澳洲天然草飼羊肉粒串，呢道菜的上菜方式已經好打卡able，係用咗一個炭爐咁上的，羊肉粒串粒粒都好大粒，但食落一啲都唔韌，好軟稔，羊肉味都好出，再點埋tarator sauce 中東白芝麻醬，味道的層次又再提升。另外仲有烤到好香的薯仔粒、中東包同蔬菜串，真係好
飽。
最後，我哋叫咗呢間餐廳的signature 甜品Kanafeh 經典中東甜品外層鬆脆酥皮碎內裡包著甜芝士。我想講呢個甜品係必點。外層用咗碎酥皮，內層用咗甜芝士，仲係拉絲架添，外脆內軟。上面再加上開心果碎，層次口感非常豐富。
张贴
