滷友記 (加路連山道) (已結業)

知道銅鑼灣新開左間滷水專門店，一於約埋老友記去食滷友記🤤相信大家都知滷水汁係經過多種材料熬製而成，越熬越滷越入味😂香濃又唔會過鹹，食完喝完都唔會口渴👍🏻🤔銅鑼灣地段黎講，定價親民不得止，亦無加一服務費！職員有禮又helpful 😚 性價比幾高喎😆😆大家行過路過都唔好錯過丫～▪️▫️牛筋腩麻辣撈麵 $57▫️▪️餐牌見到已經心心眼😍滷水湯熱辣辣係另上，麵底下已經有麻辣汁，撈勻大量芽菜及蔥粒就食得😌 呢個撈麵唔會太辣，我唔嚐辣都接受到，反而會想一啖接一啖😳食多幾啖就會感覺到有啲麻，愈食愈惹味愈食愈滋味😚牛筋腩份量好多，而且好稔好好味！▪️▫️滷友三寶麵 $57▫️▪️湯底四選一緊係揀滷水湯😆顏色好深但唔會太鹹。再揀埋手造爽脆米粉，食落有啲似新竹米粉幾好口感，索汁得黎唔會咁快變稔👍🏻三寶有金錢𦟌、金錢肚、牛筋，全部又稔又入味😍特別係牛肚！真係怕韌會難咬所以係出邊好少食，但餐廳處理得好好😆值得一讚！而且份量都好足，唔錯喎😚😚▪️▫️滷水豆腐 $27▫️▪️😆豆腐索晒啲滷水汁，相當入味，面頭仲有啲芝麻粒，食落又香又嫩👍🏻