L’atlantis (裝修中)

在黃金泳灘旁邊的法國菜，有室內和室外位，這晚炎熱所以選擇了坐室內窗邊位，可惜夜晚望出去漆黑一片，看不到海景，地方唔大，室內只有大概10張枱左右，室內有少少侷促感，裝修簡潔。晚餐有好幾款選擇，今次試咗尊貴二人晚餐，前菜係風乾火腿配哈蜜瓜和炸蟹肉，都不錯，而餐湯試咗牛肉湯和菠菜湯（我比較喜歡波菜湯），份量剛好，主菜選了紅酒慢煮牛面頰和紅酒燒汁黑毛豬架，牛面頰燜得很林，好入味；而黑毛豬架就更加好味，選擇了七成熟，配上芥辣， 十分惹味，配菜有南瓜蓉和芋頭片，好看也好味。由於用現金俾錢，餐廳另送了一隻黑松露汁鮑魚和甜品心太軟，而且因預早同歺廳職員講了慶祝周年紀念，他們也在上甜品時於碟邊寫上字。我覺得這裡的職員做事很勤快，很友善呢。