今日星期日，客人比較多。
一去到，已經有一批人企係門口，沒有派飛沒有人帶位，完全係自助模式。咦?!難道我要好似以前去茶樓等位咁企係人地張枱隔離，你眼望我眼咁去等位? 入去見到職員先話原來要係出面等，但完全冇人指定排係邊。算啦，求其企埋一邊，有位就衝入去。
都唔算等左好耐就已經有位，但真係要自己住個場，有位就即刻中入去。
去到先點食物，收銀個個預告比我地知鬆餅要等60分鐘，都算，反正今日星期日悠閒啲咪等下囉。點餐後回座位坐，坐左10分鐘先有人過黎執枱，仲要超求其執，成枱都係水跡。20分鐘後意粉到了，普普通通。10分鐘後咖啡也來了。都係冇咩特別。
最後個鬆餅。。過左60分鐘後都未到，個人開始由有耐性變到十分著急。我朋友已經發晒脾氣。最後隔離枱遲黎先上岸，比我地遲入座還要早吃到鬆餅。我的朋友頂唔住，衝去收銀度話要取消。整鬆餅個邊有堆人見狀便討論落單的排位先後，擾攘一輪，話就黎出，仲問我地要定取消，我跟友人已經成肚火，最後都係決定取消走人。收銀個個退返款比我地，一句thank you成件事便完了。一句唔好意思都沒有。
睇返openrice原來有幾個人都試過有關不愉快經歷。奉勸各位下次冇咁多時間真係唔好去，否則整天的心情也會被完全破壞!
以上食记乃用户个人意见 , 并不代表OpenRice之观点。
赞好
用餐途径
堂食
