城寨風味 (已搬遷) 新店位置

當年跟著父親工幹，多次出入啟德機場，無數次在九龍城晩飯，現在機場搬了，變成少有到此地，若非有飯局不會走到來，朋友在都市閒情認識了大廚，專誠捧場。飯店在一樓，坐在窗邊見大招牌，介紹兩款招牌菜，我哋點咗個糯米蟹，亦係大廚的心水推介。原個蒸籠，菲律賓羔蟹，蟹蓋同腳都有橙色的羔，就連個糯米飯都有，每一啖飯都有蟹香，而且果然係藥膳專家，加咗杞子，不忘明目，係我今晚最欣賞的。啫啫菜煲，夠哂熱，加咗肉粒，炒得好香。