韓膳宮 (已結業)

呢間韓式燒肉價錢真係平絕香港，平日晚市$148加一，真係好抵食。自己出去買兩份牛肉都已經係呢個價錢。重點係佢啲肉嘅質素都唔差。雖然選擇唔係好多，但係整體食物質素來講呢個價錢真係超值。牛肉片有啲似打邊爐嘅肥牛，出奇地脂肪分布都算平均，仲好過打邊爐舖頭嗰啲。牛舌嘅質素都唔錯，大大塊幾厚。雞翼都幾大隻，仲會幫你開邊等你易啲燒得熟。五花腩就會去皮，整體脂肪冇咁多。所以其實間嘢都幾貼心。另外仲有幾款係已經醃製好嘅肉類，口感都唔會好乾柴，但醃料嘅味道比較濃郁，適合鍾意食重口味嘅朋友。