滿滿丼 (已結業)

呢間餐廳每次經過都排晒長龍，今日咁啱人少少就即刻同朋友衝左入去🤣 小店主打各款丼飯，最平$19就可以嘆到日式牛丼飯，除咗有雞肉、燒豚肉、鰻魚、豬軟骨等主食之外亦提供多款特色小食同飲品～ 整體價錢十分親民而且CP值極高，值得回訪💞每個丼飯會配一款涼拌菜，估唔到黑松茸鮮菌同中華沙律嘅份量一啲都唔hea，食完即刻胃口大開👉👈 另外仲有蛋絲、粉紅薑、昆布同蔥花，色彩繽紛，好睇又好食😛溫泉蛋牛肉丼肉質軟嫩，肥瘦適中，勝在牛肉汁夠多，竟然可以撈晒成碗飯，鹹鹹香香咁好邪惡～ 搭配溫泉蛋都幾match！鰻魚豬軟骨丼超有驚喜🙈 鰻魚厚肉肥美，甜甜地幾開胃，豬軟骨雖然得一塊但係相對大份同超級入味，口感軟腍一咬就開，絕對對得起呢個價錢😆小食方面都有好多選擇😳 唐揚炸魷魚香脆可口、棒棒炸雞翼外脆內嫩、黑蒜濃湯煮蜆粒粒飽滿又鮮甜、原隻海蝦新鮮彈牙、炸日式紫薯餅夠足料又唔會太膩，全部都好高質👍🏻 最後搭配樂天芒果汁同鮮蘆薈汁，解渴一流！