麻甩系(花甲粉)

营业中

休息中

上次係一間串燒店食左個花甲粉好好食，今日回家路經呢到有間專賣花買粉，於是決定左晚餐啦！今次係我第二次食，我揀左個名最架勢果款🤣呢排要戒口唔食辣湯底揀左蒜香，等外賣時係店外都聞到勁香嘅蒜味！番左屋企成粒鐘都好夠熱，粉絲同湯分開裝非常好！配菜都唔少娃娃菜、金菇、芽菜、豆卜，主角花甲比我上次食嘅大隻，大概有十幾隻，粉絲偏韌，鍾唔鍾意偏韌嘅就見人見志啦！建議要早d放落湯整散佢，因為唔係淋身果隻，唔係會難吸湯～魷魚鬚不過不失啦，唔會好大條，但係呢個份量絕對對得住呢個價錢嘅！今晚嘅驚喜位係糖水，本身冇諗住食架，見餐牌寫住十八蚊，就算好細碗細極有個譜嘅，咁平唔試下對唔住自己！打開都唔係好細碗啫，料又多，唔會太甜得黎個甜味岩岩好，呢個份量對我黎講岩岩好，下次要試其他糖吖，因為我本身想叫腐皮果個冇晒凍，應該都好好味🙈