坤記糕品專家 (已結業)

去深水埗買啲新年野寄俾美國的表姐， 買完諗住去坐地鐵返屋企，點知見到一堆人圍住鋪頭， 原來係出名既坤記糕點，以前都係爸爸買回來的，呢家買返兩件返屋企先。 我屋企都唔食幾糖同白糖糕的，見到佢的馬蹄糕好似無乜馬蹄咁，所以只買黑芝麻糕，點了兩件， 佢就用磅量下，$20吖😆 打開袋未入口，都好香芝麻味。咬落去，口感有啲似綿花糖，味道似食緊芝麻糊，軟林林，好舒服。面同底嗰片就硬啲，有質感啲，兩者各有各好的地方，有幾層咁，唔會實的的，裏面都鬆軟😍。食飽飯食都唔係好溜，兩件三人食唔係好夠喉，下次要買一人一件先得啦！