雲桂川冰室 (已結業)

雲桂川冰室📍屯門龍門路45號富健花園地下15號舖🤍今日小編即興入黎屯門搵朋友食飯，預先都冇睇下有咩好食，咁唯有周圍行下睇下啦，去到富健花園附近，都見到有唔小食肆，但小編今日好餓想食飽啲，於是走咗去一間有好多小菜食而且價錢又吾貴既茶餐廳。🤍入到黎餐廳見到得幾張細枱，心諗實在太好了，因為小編既朋友吾鐘意太嘈吵。咁間餐廳系同一般茶餐廳一樣都有少量卡位👉薑蔥霸王雞 $98霸王雞配有鹹酸菜、姜、蔥、蔥頭同紅椒，個份量2個人食岩岩好，啲雞都比較嫩身，雞皮又比較薄，D肉就會厚厚的👉西蘭花帶子 $88帶子炒西蘭花清清地，份量都好適中，帶子大約有10粒，每一粒都系大大粒而且仲要好鮮甜。西蘭花亦唔會煮到好淋，呢道菜真系好有媽媽煮的味道! 👉椒鹽鮮魷 80椒鹽味十足既香脆可口新鮮魷魚，雖然味道會有少少辣，但個人認為辣既程度系OK既，而且帶有少少辣味仲更加好食。加上個魷魚系已經被切條，所以十分容易入口，再配埋喼汁就更正👉紅豆冰 20紅豆冰真系冇得輸! 大大粒紅豆加上味道又吾甜，黎到就一定要試下。💁溫馨小提示: 每款小菜都會送一碗白飯🍚🍚🍚今次小編就仲共叫左三個小菜