百花漁莊 (已結業)

今日難得有機會可以同同事飲個茶食個包, 於是行遠少少去左灣仔QRE Plaza 百花漁莊飲茶.我地3個人想食點心多D, 所以全部都係食點心.蟹籽燒賣皇, 比起出面食嘅唔同, 除左足料外, 有好香同爽口嘅冬菇喺裡面.水晶蝦餃皇, 皮薄餡靚, 大大隻, 最少有3隻蝦喺裡面, 材料豐富.精品灌湯餃, 好耐無食過灌湯餃, 超級大隻, 食完都飽左一大半, 湯底好香甜, 肉質嫩滑, 煮嘅時間剛剛好.百味金磚, 即係脆炸豆腐, 外脆內軟滑, 加上七味粉, 更加惹味.其餘點心都好好食, 材料, 手功, 同味道都好好, 重要價錢合理.