食美軒 (已結業)

今日放假，瞓晏啲之後出去飲個茶。搵到呢間食之軒，位於旺角東火車站附近。迷網脆皮腸粉個腸粉一啲都唔迷惘，係成餐茶嘅焦點。望落去係好似食緊炸兩，實質上都係似食炸兩但係係超好味嘅炸兩。一般來講裏面條油炸鬼通常都好厚身，但係呢個係入邊整咗薄薄嘅油炸鬼，然後腸粉裏面充滿着蝦肉。點少少豉油食，就可以將軟硬鮮充滿你口腔。嚟到一定要食呢樣。金牌流沙包經典流沙包，奶黃甜味好好。正！係咁多種唔同點心（鹹味）之間攞一個平衡，一點甜。醬香蒸鳳爪雖然通常鳳爪冇乜嘢好評論，但呢個鳳爪比起一般酒家做得好。首先佢蒸得比較淋，好易入口。最重要係個醬汁好入味。有啲酒家就草草了事，隻爪完全入唔到未，但呢個就唔同啦。野生三文魚芝士撻呢個係另一個驚喜！三文魚野唔野生我就唔知道，但三文魚原來可以配芝士撻呢樣嘢我就真係唔知道原來可以咁嘅味道。個撻皮同底都做得好靚，端出來又夠熱，抵讚！整體個味非常之好！