影片
更多
2017-07-18
18269 浏览
黃雨下的甜品下午茶。睇到報紙介紹六國酒店嘅下午茶，係雪糕下午茶。但一直都睇唔到有邊幾隻款，除左最最大杯既「瘋狂世界」。😍所以當我電話預訂既時候，酒店嘅職員不停問我到底想要邊一隻嘅時候，我根本就答唔到。😳一行三人到達酒店，得兩張枱食緊下午茶，其中一張枱就係食緊呢個瘋狂世界。隻杯超巨型。雖然我都想叫佢黎相機食先。但係得三個人，無論我地幾咁肚餓都無可能食得晒。我地又唔想食朱古力，所以就叫左「甜蜜的誘惑」。呢個甜品主要以乳酪雪糕同雪葩為主。問過可唔可以轉味道，就話唔可以既。咁既然係甜蜜的誘惑，咁就無謂㨂雪糕球了。😁黎到一共有八個球，紅莓雪葩、芒果雪葩、檸檬雪葩各兩球，再加雲尼拿同士多啤梨味。雪糕面有三個小雪糕筒。中間既係好多既cream. 當我地以為最底層既啫哩同上層雪糕既中間會全部係忌廉既時候。佢又有驚喜俾我地威化餅（士多啤梨味）。一粒粒既啫哩中竟然有兩粒桂花糕😶。唔知係故意既，定係........上面既熊仔糖食到最尾俾d 雪糕搞到好硬。任何下午茶，都可以加$20 飲野。包咖啡、茶、果汁。問過侍應，佢話加三杯都係$20杯。最終我地無加，因為食唔到咁多甜野。所以後尾加左沙爹。牛肉同雞肉沙爹。出
所以當我電話預訂既時候，酒店嘅職員不停問我到底想要邊一隻嘅時候，我根本就答唔到。😳
一行三人到達酒店，得兩張枱食緊下午茶，其中一張枱就係食緊呢個瘋狂世界。隻杯超巨型。雖然我都想叫佢黎相機食先。但係得三個人，無論我地幾咁肚餓都無可能食得晒。
我地又唔想食朱古力，所以就叫左「甜蜜的誘惑」。
呢個甜品主要以乳酪雪糕同雪葩為主。問過可唔可以轉味道，就話唔可以既。咁既然係甜蜜的誘惑，咁就無謂㨂雪糕球了。😁
黎到一共有八個球，紅莓雪葩、芒果雪葩、檸檬雪葩各兩球，再加雲尼拿同士多啤梨味。
雪糕面有三個小雪糕筒。中間既係好多既cream. 當我地以為最底層既啫哩同上層雪糕既中間會全部係忌廉既時候。佢又有驚喜俾我地威化餅（士多啤梨味）。一粒粒既啫哩中竟然有兩粒桂花糕😶。唔知係故意既，定係........
上面既熊仔糖食到最尾俾d 雪糕搞到好硬。
甜蜜的誘惑
234 浏览
0 赞好
0 留言
任何下午茶，都可以加$20 飲野。包咖啡、茶、果汁。問過侍應，佢話加三杯都係$20杯。
最終我地無加，因為食唔到咁多甜野。所以後尾加左沙爹。牛肉同雞肉沙爹。出品都好靚入面有菠蘿、青瓜、番茄同生菜。
沙爹
$88
197 浏览
0 赞好
0 留言
價錢黎講，又想食雪糕的話，本人覺得酒店既下午茶餐都好吸引。
但如果真係想相機食先，人小小的話，「甜蜜的誘惑」係不錯的選擇。
如果一大班人，「瘋狂世界」真係一個好好既相機食先甜品。
侍應唔會因爲想多做生意而提議我地食「瘋狂世界」，由電話預約到我地到達都提醒我地會食唔晒。
結果另外兩張枱（一張三人，一張四人）分別都叫左「瘋狂世界」但都食唔到一半。太浪費了。
张贴
