星海．譽宴 (鱷魚恤中心)

营业中

休息中

朋友回港入到觀塘逛街辦年貨，鱷魚恤中心樓上《星海The Starview》食中菜選擇多。交通方便，鄰近大型商場，乘電梯上2樓，佔地全層，地方闊落好舒適，落地玻璃，舞台環境設計好適合婚宴派對。鐵板白胡椒煎焗澳洲龍蝦~上菜時渣渣聲熱辣辣香噴噴，真係好吸引，龍蝦啖啖肉，白胡椒嘅香味真係好正！古法沙薑雞(一隻)~呢個堅抵食，雞肉非常嫩滑。薑蔥焗美國桶蠔~大大隻桶蠔，先用薄薄粉漿炸咗啲蠔，再擺上鐵板，薑蔥味道十分惹味。金銀蒜蓉蒸元貝~粉絲索滿海鮮味道，蒜蓉勁香口。花旗參竹絲雞海螺燉花膠湯~花旗參味道特別香濃，足料海螺花膠，湯入口清甜。