阿閒泰 (K11購物藝術館)

营业中

休息中

放咗工約咗朋友去尖沙咀K11行街，順便搵嘢食，呢排悶悶地想食啲泰國嘢，揀咗間fusion泰國菜。香茅豬扒米紙卷有啲喜出望外喎，味道同層次非常豐富。酸蘿蔔、香茅、紫蘇葉、薄荷葉、豬頸肉仲有芒果，酸酸地，甜甜地仲有紫蘇葉的甘香同薄荷葉的清新。秘製滷水豬手豬手炆得好琳，好入味，果然係秘製醬汁，旁邊仲加咗啲酸菜，令整件事中和返冇咁肥膩。虎蝦冬陰功意大利麵名副其實的fusion菜，第一次喺泰國餐廳食意大利麵，冬陰功的味唔算非常之刺激，不是太好辣的我可以接受，虎蝦好大隻，爽口彈牙，非常新鮮，值得推介。甜品拼盤打卡一流，未食先興奮！黃黃綠綠顏色非常吸引，由大至細食起，芒果珍珠沙冰配芒果雪條，非常透心涼，芒果味濃郁。跟住食淺綠色的斑斕果凍，好香斑斕味，仲有椰絲睡睡喺面。仲有馬卡龍同芝士蛋糕四小件，非常滿足同豐富。