影片
更多
2017-11-09
102 浏览
放假去又一城shopping，行行下見到依間白色裝潢十分elegant嘅Sweetology，環境設計十分優雅，決定入去食個high tea relax下！餐牌選擇都好多，主要都係甜品、窩夫、蛋糕同All day breakfast，亦都有少量小食。首先送上嘅係兩個蛋糕，分別係宇治金時千層tiramisu蛋糕同kitkat千層蛋糕。抹茶千層蛋糕好濃抹茶味，味道有少少抹茶嘅甘味唔會太甜，中意抹茶嘅人應該會中意。而kitkat千層蛋糕嘅甜度適中，千層皮之間嘅cream好軟滑，一層層嘅皮都好有口感。可惜有啲細件，細食嘅女士應該啱啱好。朋友比較肚餓，所以揀咗個拿破崙香草腸長通粉填飽個肚，而我就揀咗個oreo瘋狂朱古力窩夫伴雪糕，畢竟這間Sweetology主打還是甜品。朱古力窩夫送到上嚟嘅時候仲有少少熱，feel到係新鮮出爐，食落餅皮仲好脆口，窩夫餅皮有少少可可波嘅味道，十分美味。切開窩夫之後點少少雪糕再點少少cream依個組合好夾！本身以為窩夫唔會太飽，原來個窩夫都好大份，本身食完個蛋糕再食依個已經好飽。本身望落個長通粉好似冇咩特別，但食落原來都唔錯，喺出面食嘅蕃茄汁通常都會好酸，但依一個蕃
餐牌選擇都好多，主要都係甜品、窩夫、蛋糕同All day breakfast，亦都有少量小食。
首先送上嘅係兩個蛋糕，分別係宇治金時千層tiramisu蛋糕同kitkat千層蛋糕。
抹茶千層蛋糕好濃抹茶味，味道有少少抹茶嘅甘味唔會太甜，中意抹茶嘅人應該會中意。
而kitkat千層蛋糕嘅甜度適中，千層皮之間嘅cream好軟滑，一層層嘅皮都好有口感。可惜有啲細件，細食嘅女士應該啱啱好。
朋友比較肚餓，所以揀咗個拿破崙香草腸長通粉填飽個肚，而我就揀咗個oreo瘋狂朱古力窩夫伴雪糕，畢竟這間Sweetology主打還是甜品。
朱古力窩夫送到上嚟嘅時候仲有少少熱，feel到係新鮮出爐，食落餅皮仲好脆口，窩夫餅皮有少少可可波嘅味道，十分美味。切開窩夫之後點少少雪糕再點少少cream依個組合好夾！本身以為窩夫唔會太飽，原來個窩夫都好大份，本身食完個蛋糕再食依個已經好飽。
本身望落個長通粉好似冇咩特別，但食落原來都唔錯，喺出面食嘅蕃茄汁通常都會好酸，但依一個蕃茄汁就調得幾好，食落幾有蕃茄鮮味加上汁入面有唔少茄肉，睇得出放咗唔少鮮茄落去十分有誠意！長通粉軟硬適中唔會太稔。
最後再加多個小食蜜糖七味粉椒鹽雞翼，食落酸酸辣辣，雞翼已經一開二切件，食落十分方便，蜜糖同七味粉加埋一齊幾夾，可以一試！
埋單最後二百幾蚊，除返開一人百幾蚊，嗌得有少少多，食完十分滿足，叉足電繼續shopping。
张贴
